أنا:ـ كان يا ما كان.. يا سعد يا إكرام
يقاطعنى صوته من تحت اللحاف:ـ يا سادة يا كرام..مين سعد إكرام دة؟
أنا :ـ يا سادة يا كرام..كان فيه زمان سلطانه
هو :ـ عايز حدوتة حيوانية
أنا:ـ ليه يا حبيى ماله السلطان؟ دة أحلى حكاوى حكاوى السلاطين
هو:ـ مابحبش الشوربة.. وبلاش ندخل فى الإسقاطات ..عايز حدوتة فيها أسد
أنا:ـ كان يا ماكان
هو:ـ تانى..ما خلصنا خلاص
أنا:ـ كان فيه أسد أسد
هو:ـ وبعدين
أنا:ـ كان الأسد له حاشية
هو:ـ بنقول بلاش إسقاطات
أنا:ـ الحاشية دى كانت عبارة عن تعلب وفيل ونمر وفهد
هو:ـ رحنا فى داهية
أنا:ـ وكانوا طبعاً عايشين فى غابة
هو:ـ يا نهار مش فايت ..غابة ؟
أنا:ـ حيوانات..هيعيشوا فين يعنى؟ وكانت الغابة دى حواليها غابات كتير ..وكان طبعاً بقية الحيوانات عايشة تحت حكم الأسد فى تعاسة غامرة
هو:ـ ليه تعاسة؟ ما كانوش بياكلوا فى بعض عادى يعنى؟
أنا:ـ طبعاً كانوا بياكلوا فى بعض ..لكن الحاشية كانت بتطلب منهم كل شوية قربان..حيوان جميل..غزال.. بقرة.. حاجة كدة
هو:ـ ليه بأة ؟ رشاوى يعنى؟
أنا:ـ طبعاً.. رشاوى.. دة غير الصيد المتفرق بدون قوانين للحيوانات اللى أصبحت قوية بعيد عن عينيهم
هو:ـ والأسد ..موقفه ايه؟
أنا:ـ الأسد أسد.. بيحضر حفلات القرابين .. وياكل.. وينام .. ويعمل ضوافره عند نعامة سنتر.. ..مقضيها يعنى
هو:ـ فين المشكلة..لب القضية
أنا:ـ المشكلة بأة لما الحيوانات كلها اجتمعت وقررت تعمل حفلة كبيرة توحد فيها الدعاء
هو:ـ دعاء ازاى ..هيدعوا بإيه
أنا:ـ المشكلة كانت ان الدعاء سرى.. وطبعا الحاشية والأسد كانوا هيموتوا عايزين يعرفوا فحوى الدعاء
هو:ـ وليه سرى؟ هو الدعاء كان على حد معين ؟
أنا:ـ هى دى المشكلة بنقول..الأسد كان متأكد ان الحيوانات هتدعى عليه وكان هيتجنن عايز يلغى الحفلة
هو:ـ ايه المشكلة ما يلغيها
أنا:ـ المشكلة انه ما كانش عارف يوصل لمتعهد الحفلات علشان الحيوانات كلها كانت محتفظة بأسرار الحفلة تمام
هو:ـ دة أسد وإيده طايلة .. ودة يهمه
أنا:ـ أيوة .. بس ما تنساش ان ممكن شوية قرود ينططوه .. وعملوها فعلاً وكتبوا على أوراق الشجر فى الغابة كل بلاويه
هو:ـ وبعدين؟
أنا:ـ أبدا.. أديهم مستنيين ميعاد الحفلة .. علشان يدعوا جماعة وياخدوا الثواب .. هم حيلتهم حاجة غير الدعا.. وحتى دة بيعملوه وهم خايفين
هو:ـ خلاص؟
أنا:ـ أيوة
هو:ـ غلط كدة.. فين القفلة المعتادة
أنا:ـ آه لا مؤاخذة..وتوتة توتة .. خلصت الحدوتة..حلوة وللا ملتوتة؟
هو:ـ ملتوتة عالآخر
via
يقاطعنى صوته من تحت اللحاف:ـ يا سادة يا كرام..مين سعد إكرام دة؟
أنا :ـ يا سادة يا كرام..كان فيه زمان سلطانه
هو :ـ عايز حدوتة حيوانية
أنا:ـ ليه يا حبيى ماله السلطان؟ دة أحلى حكاوى حكاوى السلاطين
هو:ـ مابحبش الشوربة.. وبلاش ندخل فى الإسقاطات ..عايز حدوتة فيها أسد
أنا:ـ كان يا ماكان
هو:ـ تانى..ما خلصنا خلاص
أنا:ـ كان فيه أسد أسد
هو:ـ وبعدين
أنا:ـ كان الأسد له حاشية
هو:ـ بنقول بلاش إسقاطات
أنا:ـ الحاشية دى كانت عبارة عن تعلب وفيل ونمر وفهد
هو:ـ رحنا فى داهية
أنا:ـ وكانوا طبعاً عايشين فى غابة
هو:ـ يا نهار مش فايت ..غابة ؟
أنا:ـ حيوانات..هيعيشوا فين يعنى؟ وكانت الغابة دى حواليها غابات كتير ..وكان طبعاً بقية الحيوانات عايشة تحت حكم الأسد فى تعاسة غامرة
هو:ـ ليه تعاسة؟ ما كانوش بياكلوا فى بعض عادى يعنى؟
أنا:ـ طبعاً كانوا بياكلوا فى بعض ..لكن الحاشية كانت بتطلب منهم كل شوية قربان..حيوان جميل..غزال.. بقرة.. حاجة كدة
هو:ـ ليه بأة ؟ رشاوى يعنى؟
أنا:ـ طبعاً.. رشاوى.. دة غير الصيد المتفرق بدون قوانين للحيوانات اللى أصبحت قوية بعيد عن عينيهم
هو:ـ والأسد ..موقفه ايه؟
أنا:ـ الأسد أسد.. بيحضر حفلات القرابين .. وياكل.. وينام .. ويعمل ضوافره عند نعامة سنتر.. ..مقضيها يعنى
هو:ـ فين المشكلة..لب القضية
أنا:ـ المشكلة بأة لما الحيوانات كلها اجتمعت وقررت تعمل حفلة كبيرة توحد فيها الدعاء
هو:ـ دعاء ازاى ..هيدعوا بإيه
أنا:ـ المشكلة كانت ان الدعاء سرى.. وطبعا الحاشية والأسد كانوا هيموتوا عايزين يعرفوا فحوى الدعاء
هو:ـ وليه سرى؟ هو الدعاء كان على حد معين ؟
أنا:ـ هى دى المشكلة بنقول..الأسد كان متأكد ان الحيوانات هتدعى عليه وكان هيتجنن عايز يلغى الحفلة
هو:ـ ايه المشكلة ما يلغيها
أنا:ـ المشكلة انه ما كانش عارف يوصل لمتعهد الحفلات علشان الحيوانات كلها كانت محتفظة بأسرار الحفلة تمام
هو:ـ دة أسد وإيده طايلة .. ودة يهمه
أنا:ـ أيوة .. بس ما تنساش ان ممكن شوية قرود ينططوه .. وعملوها فعلاً وكتبوا على أوراق الشجر فى الغابة كل بلاويه
هو:ـ وبعدين؟
أنا:ـ أبدا.. أديهم مستنيين ميعاد الحفلة .. علشان يدعوا جماعة وياخدوا الثواب .. هم حيلتهم حاجة غير الدعا.. وحتى دة بيعملوه وهم خايفين
هو:ـ خلاص؟
أنا:ـ أيوة
هو:ـ غلط كدة.. فين القفلة المعتادة
أنا:ـ آه لا مؤاخذة..وتوتة توتة .. خلصت الحدوتة..حلوة وللا ملتوتة؟
هو:ـ ملتوتة عالآخر
via
No comments:
Post a Comment